Skip to main content

Spazju formattiv

F’Jannar 2015, grupp ta’ żgħażagħ daħlu għal proġett, Teen Klabb, immirat lejn il-pre-adolexxenti u l-adolexxenti fil-Belt Valletta u l-madwar. Teen Klabb ġie mniedi bil-għan li jinħoloq spazju formattiv u jgħejn lill-adolexxenti jizvillupaw il- kwalitajiet u t-talenti taghhom f’ambjent sikur. Dan kollu jigi integrat mal-formazzjoni spiritwali fid-diversi attivitatijiet li jsiru.

Bħalissa l-parroċċi lokali qed jiffaċċjaw nuqqas fir-riżorsi umani, b’hekk il-kura pastorali mal-adolexxenti qed issir aktar ta’ sfida. Teen Klabb jaspira li jikkuntribwixxi u jirrispondi għal din is-sejħa.

Teen Klabb kull nhar t’Erbgħa

Mill-5:00pm sas-7:00pm
196, Centru Santu Rokku, St Ursula Street, Valletta

X’nagħmlu f’Teen Klabb

Nipprovdu spazju sikur alternattiv

Il-Belt Valletta hija servuta minn numru ta’ spazji ta’ divertiment, bars u ristoranti. Minkejja dan, hemm vojt fejn jidħlu spazji soċjali b’saħħithom fejn il-pre-adoloxxenti u l-adoloxxenti jistgħu jiltaqgħu f’ambjent sikur.

Monitoraġġ waqt is-soċjalizzazzjoni

Il-pre-adoloxxenti u l-adoloxxenti jingħataw l-opportunita’ li jinteraġixxu m’oħrajn ta’ l-istess eta’ filwaqt li jiġu sorveljati mill-helpers apposta bi kwalitajiet diversi.

Il-ħiliet tat-tim

Inħeġġu lil-membri tat-tim biex il-kwalitajiet tagħhom jigu integrati ma’ l-attivitajiet li huma mfassla apposta għall-ħtiġijiet tal-pre-adoloxxenti u l-adoloxxenti.

Nitgħallmu waqt li nkunu qed naqdu

Teen Klabb jipprovdi ambjent ta’ tagħlim għall-helpers peress li huwa ppruvat li m’ hemmx mod aħjar kif wieħed iżid l-għarfien tiegħu milli permezz ta’ esperjenza hands-on.

Niċċelebraw il-birthdays

Iċ-ċelebrazzjoni t’għeluq snin il-pre-adoloxxenti u l-adoloxxenti hija importanti għax turihom li huma stmati. Jinghata ukoll rigal bil-ħsieb.

Servizzi ta’ ospitalita`

Li sservi ikel waqt Teen Klabb huwa essenzjali biex tinbena interazzjoni ma’ l-adolexxenti.

L-Attivitajiet Tagħna

  • Hangouts kull nhar t’Erbgħa
  • Ħarġiet regolari matul is-sena
  • Live-ins annwali
  • Attivitajiet mal-iskejjel
  • Klassijiet tal-mużika – lezzjonijiet tal-kitarra u l-pjanu ta’ kull ġimgħa.
grid1
grid2
grid3
grid4